У Брэсцкай вобласці да канца года застанецца каля 30 аб'ектаў пахавання цвёрдых камунальных адходаў у сельскай мясцовасці, паведаміў карэспандэнту БЕЛТА намеснік генеральнага дырэктара абласнога ўпраўлення ЖКГ Андрэй Гашаў.
"Цяпер у рэгіёне налічваецца 64 дзеючыя міні-палігоны ў сельскіх населеных пунктах. Па ўзгадненні з райвыканкамамі сёлета павінна быць закрыта прыкладна палова з іх. Гэта значыць на пачатак наступнага года каля 30 міні-палігонаў у Брэсцкай вобласці ўсё ж застанецца. Іх паэтапнае вывядзенне з эксплуатацыі будзе адбывацца пры ўдасканаленні матэрыяльна-тэхнічнай базы, задзейнічанай у абыходжанні з ТКА", - сказаў Андрэй Гашаў.
Плануецца, што ў Івацэвіцкім, Маларыцкім, Камянецкім, Жабінкаўскім раёнах усе міні-палігоны будуць зачыненыя. У раёнах пабольш (Пружанскім, Столінскім, Лунінецкім), дзе адлегласць паміж крайнімі кропкамі складае больш за 100 км, такія аб'екты застануцца. Тут асноўны аспект - лагістычны складальнік. Так, у Пінскім раёне колькасць міні-палігонаў плануюць скараціць напалову (цяпер іх 17), больш як на трэць - у Драгічынскім. З 14 дзейных аб'ектаў у Лунінецкім раёне пакінуць 8-9.
З улікам закрыцця міні-палігонаў узрастае нагрузка на буйныя аб'екты пахавання - зараз такіх у вобласці 28. Іх рэсурс мяркуецца максімальна задзейнічаць пры стварэнні рэгіянальных зон па абыходжанні з цвёрдымі камунальнымі адходамі. Частку існуючых палігонаў плануецца пашырыць, што дасць магчымасць скараціць затраты на інжынерна-транспартную інфраструктуру.
“Мы павінны разумець: раз гэтыя аб'екты былі пабудаваны за кошт бюджэтных сродкаў, то неабходна іх па максімуме выкарыстоўваць. Напрыклад, у Камянецкім раёне ёсць адносна новы палігон, пабудаваны каля 10 гадоў таму. Ён мала выкарыстоўваўся і да моманту запаўнення гэты аб'ект будзе эксплуатавацца. Іншая сітуацыя ў Маларыце, дзе тэрмін эксплуатацыі палігона заканчваецца праз 5 гадоў. Зразумела, што там трэба разглядаць варыянты: пашырэнне існуючага аб'екта, будаўніцтва новага або перадача функцый Брэсцкаму смеццеперапрацоўчаму заводу", - дапоўніў намеснік гендырэктара абласной ЖКГ.
Паралельна ў вобласці працягваецца праца па стварэнні рэгіянальных зон па абыходжанні з ТКА. Іх плануецца 6 - з цэнтрамі ў Брэсце, Баранавічах, Пінску, Кобрыне, Бярозе (новая) і Лунінцы. У першую чаргу такія аб'екты неабходна стварыць у Брэсцкай, Пінскай і Баранавіцкай зонах. Рэканструкцыя апошняй ацэньваецца ў $6,5 млн. і будзе ажыццяўляцца за кошт прыцягнення пазыковых сродкаў Міжнароднага банка рэканструкцыі і развіцця. Будаўніцтва палігонаў у Брэсцкай і Пінскай зонах плануецца ўключыць у абласную інвестыцыйную праграму.
За 9 месяцаў у Брэсцкай вобласці нарыхтавана з цвёрдых камунальных адходаў 81,7 тыс. т другасных матэрыяльных рэсурсаў, што складае 77,3 працэнта гадавога задання
| Крыніца інфармацыі БЕЛТА |  |
Падача электронных зваротаў грамадзян і юрыдычных асоб у БАУП «Ўпраўленне ЖКГ» ажыццяўляецца праз сайт обращения.бел. Іншы парадак падачы электронных зваротаў у БАУП «Ўпраўленне ЖКГ» не прадугледжаны.
